上次糖尿病覆診、驗血數值未有改善、所有病者都會唔開心 (必定啦！)。 離開時醫生同我分享、好多病人晚餐返屋企食、基本上可以控制。但中午要返工的人士每次出街食飯都面對好多挑戰：地雷、高糖、精致澱粉質、多醬、多汁、甚至乎冇得選擇。醫生就話「如果你(Ringo)可以幫佢哋解決中午嗰餐、你可以幫到好多人！」、醫生的吩咐、醫生的任務不會因為心情唔好而忘記。努力了幾個月、設定如何推出一套午餐solution、可能會幫到大家。 策略上在市場搵一啲合適嘅加熱飯盒；另外在食物餸包(或者叫做返熱包)上增加到12款不同味道：餸包目的是在兩星期上班12天都不會重複味道、而12個送包的內容和味道會不停轉換、完一款會用新一款取代。這樣食重複味道的機會便會越來越少、同時計劃生產六至八款下午茶小食、這樣在有需要的環境裏面、大家都可以有下午茶和朋友共享生活時間、低醣/碳都有朋友、都有共同空間、不再孤獨。希望這概念能夠幫到多些人、這樣的研發/生產有點勞累、也不容易、亦都是開心事情。 寫完、要和工場/廚師討論生產的細節和流程了！祝大家有美好的一天
