台客劇場: https://youtu.be/P-i2OVfLMU4
HbA1c～8.0，每日9粒葯：2017年4月，醫生建議注射胰島素！My god... 已經揾最出名嗰的，Oxford畢業嘅碩士內科專科醫生，睇咗2x年，真係劏房都買到一間！
真沒想到診金年年加，葯量年年增，血糖都咁差。當日聽醫生講“啲葯再多對你都唔會有用，不如打胰島素啦，唔痛嘅”；心裡一抽，即時有絕望的痛苦！
過去2x年的運動奮鬥無效(奮鬥史另出長文分享)，好似判決死刑一樣。在離開診症室時，遲疑了兩秒鐘，回頭同醫生講“我唔打住，下次覆診再算”。就這樣，回家悶了幾日，增加運動，再密集的運動！真係好多，自己認為已經喺半個運動員。到了7月覆診，依然無好轉，醫生繼續建議打針，我繼續拒絕...
7月心情更差，唔太多上FB的我上去多了，8月突然睇到“台客劇場”的link講“迹轉糖尿病”，當然入去睇，睇完覺得好神奇；追part 2，再追part 3... 同時上網搜尋相關資料，揾到台灣一大堆FB group，即入睇分享；同步買書！
個人覺得不可思議，醫生會殺死我！我醫生95%貌似時任首席大法官，不用多講啦！9月進行實驗，只有屋企人知道，對外仲唔多講；就算知道嘅朋友，我都要强調喺個人實驗，叫佢千祈唔好試，等我自己“冒險樂園”好了！
當年今日，“生酮”真係好難講出口的詞彙！低調、低調、再低調... 今日慶祝生酮24個月，開心喺有好多酮道中人，可以寫，可以講，可以分享；真係好唔同！
我的生酮經歷。說不出的喜悅